Bacterial Leaf Blight (BLB) Nagbabanta sa 141 Lugar

BLIGHT ALERT! Bacterial Leaf Blight (BLB) posibleng maka-bawas ng hanggang 50% sa ani ng palay!

Apektadong Lugar:

Rehiyon: Cordillera, 1-9, 13
Mga Apektadong Probinsya:
- CAR (Abra, Mt. Province, Apayao)
- Region 1 (Ilocos Sur, Pangasinan, La Union, Ilocos Norte)
- Region 2 (Quirino, Isabela, Cagayan, Nueva Vizcaya)
- Region 3 (Pampanga, Nueva Ecija, Aurora, Zambales, Bulacan, Tarlac)
- Region 4-A (Quezon, Laguna)
- Region 4-B (Oriental Mindoro, Palawan)
- Region 5 (Sorsogon, Catanduanes, Camarines Sur, Albay, Camarines Norte)
- Region 6 (Capiz, Aklan, Iloilo, Antique, Guimaras)
- Region 7 (Bohol, Negros Oriental, Cebu)
- Region 8 (Leyte)
- Region 9 (Zamboanga del Sur)
- Region 13 (Surigao del Norte)

BLB: Ano Ito?

Ang BLB ay isang sakit sa palay na dulot ng bacteria na Xanthomonas oryzae pv. oryzae (Xoo). Nakakahawa ito sa pamamagitan ng tubig, hangin, at maging sa kagamitang pang-agrikultura.

Mga Sintomas ng BLB:

Nagsisimula ang BLB bilang mga dilaw na batik sa mga dahon ng palay.
Lumalaki ang batik at nagiging brown o itim na may dilaw na paligid.
Ang mga dahon ay maaaring mamatay nang tuluyan.
Sa matinding kaso, maaaring hindi na lumaki ang mga butil ng palay.

Paraan para Mapamahalaan ang BLB:

Panatilihin ang magandang daloy ng patubig at magsagawa ng alternate wetting and drying (AWD). Ito ay para mabawasan ang halumigmig sa palayan at maiwasan ang pagkalat ng sakit.
Tanggalin agad ang mga palay na tinamaan ng sakit. Huwag ilibing sa palayan dahil maaaring mabuhay ang bacteria sa tubig at makahawa sa ibang pananim.
Iwasan ang paglalagay ng sobrang pataba, lalo na ng nitroheno. Mas mainam na hatiin ang pataba ng 2-3 beses upang hindi lumambot ang puno at dahon ng palay, na maaaring maging sanhi ng pagkasugat at pagpasok ng sakit.
Gumamit ng mga resistant varieties ng palay. Patuloy na gumagawa ng pananaliksik ang PhilRice para makapag-develop ng mga bagong uri ng palay na mas resistensya sa BLB.